شرح بالصور لطريقة تجزئة الهاردسك والغاء التجزئة

سلام بشكة اديني وفيت بوعدي ولساتني ما كملت 24 ساعة بس بصراحة ركبت في راسي

وحبيت اشوف راح اقدر اخد نسخة من الدوس ولا لا بس الحمدلله نجحت . المهم دا هوا الشرح الخاص في البرتشن

(HOW TO Creating Partitions ) اوكيفية إنشاء التقسيم خلونا نبدا يحلوين .

اولا شي لازم يكون في قرص بدا تشغيل . طب ممكن ما عندنا اقلكم بسيطة ولا اسهل دي هيا الطريقة يحلوين ولا اسهل

Control Pael & Add-Remove Programs & Startup Disk & Create Disk

حتقلي جهازي عربي حاضر ولايهمكم حاضرين

لوحة التحكم وبعد كدا إضافة وإزالة برامج وبعد كدا قرص بدء التشغيل واخيرا إنشاء القرص

قبل كل دا واهم شي تكون متأكد من جهازك يعني مافيه فيروس عشان راح ينتقل للجهاز بعد التجزئة طبعا راح يكون الفلوبي ملغم .

بفيروس و بعد ما تكمل التقسيم وعمل الفورمات راح تلاقي جنابك ان الفيروس اصاب الماستر بوت ريكورد MBR - Master Boot Recorde .

وانا مالي صلاح كلامتكم وحدرتكم وبكيفكم هههههههههههاي .

ودحين بسم الله خلينا نبداء الشرح :

1ـ اعمل RESTART او اعادة تشغيل للجهاز عشان يقلع من قرص بدء التشغيل يحلو ايشبك اللي طيارة مو كمبيوتر هههاي . المهم

2ـ دحين راح يبداء القرص بقراءة كافة البيانات الخاصة بالجهاز ويعطيك في الأخير الأمر دا الأمر a:/>

كل اللي عليك هوا انك كتب الأمر الأمرa:/>FDESK . راح تجيك الشاشة دي



طبعا انت بابا مافي لانقوج نهي لغة مافي معلوم هههههههاي .

المهم الكلام دا معناه هل تريد استخدام نظام ملفات FAT16 أو نظام ملفات FAT32 ؟
اكتب Y لفات32 (للحصول على مساحة أكبر من 2 جيجابايت)

الأفضل دحين تكتب N لفات 16 عشان تصير اكبر مساحة يمكن الحصول عليها هيا 2 جيجا بايت كحد اقصى ) دحين راح تجيك الصورة دي


دحين شوف يحلو لو كان الهارد ديسك جديد ( يعني لساته في قراطيسه حلوة قراطسيه دي ههههههاي يعني ما تقسم قبل كدا ) اختر رقم 1 ثم Enter

اما لو كنت مقسم قبل كدا فدي شغلة تانية ولازم تلغي التقسيمات الموجودة وعشان تسوي كدا أختر الرقم 3 و امسك سرا طال عمرك الين اكمل للشباب

وراح ارجعلك يحلو بس ها مو تروح بكيفك هههههههاي .

رجعنا يحلوين خليكم منه دقايق بس . ماراح انسى راح ارجع كمان شوي



المهم وصلنا ان الهارد دسك جديد واخترنا رقم 1 وضغطنا Enter وطلعت لينا الشاشة دي

كل اللي عليك يحلو تختار الرقم 1 .

راح تجيك شاشة يتم فيها حساب حجم الهاردسك ولمن تنتهي راح يعطيك السوال دا

Do you wish to use the maximum available size for a Primary DOS Partition
(Y/N)................................................ ... [Y]
لو جنابك تحب تستخدم كامل الهاردسك لكه قسم واحد مثلا C حط Y على فكرة يحلو في ملاحظة ما راح تقدر تعمل تجزئة لو كنت تستخدم FAT16 أو FAT في حالة ما إذا كان الهاردديسك أكبر من 2 جيجابايت) وبعدها أنت مو في حاجة لمتابعة كل اللي عليك اضغط ESC عشان تخرج من البرنامج إلى شاشة الـDOS ثم أعد تشغيل الجهاز وقم بعمل فورمات للهاردديسك (format C: /s لنقل ملفات النظام)..


اما لو كنت تبغى تقسم الهارديسك فاختر N وانتظر ثواني حتى يتم حساب حجم الهاردديسك مرة ثانية وتابع معنا...

سعنود بعد قليل ايشبك اللي اسبيس تون ولا ارتي الموسيقى ههههههههههاي .
عــــــــــــــــــــــد نا ههههههههاي .

الحين راح تجيك مسج اسف رسالة يحلو لا تزعل . عارف ان دمي تقيل بس بكيفك دا اسلوبي ههههههاي كليح الله يعينك اصبر .

وتصبر كككككككككك بايخة يواد استحي اتقل شوي حاضر اسف .

اوكي المهم المسج اقصد الرسالة هيا
Enter partition size in Mbytes or percent of disk space (%) to
create a Primary DOS Partition.................................: [ 50% ]
ومعناها كم هوا الحجم اللي تبغاه طال عمرك ادلعك المهم كم الحجم الخاص بالقرص C القسم الأبتدائي وقتدر تحدد او تختار بطريقتين واللي هما :

- بالنسبة المئوية كأن تكتب 50% او 75% أو أي نسبة تريدها
- بالكيلوبايت كأن تكتب 1000 تعني واحد جيجا، 1500 تعني واحد ونصف جيجا، وزي كدا نفس الهرجه .

وبعد كدا اضغط اسكب هروب (ESC عشان ترجع للشاشة الاختيارات الرئيسية)

ثم تختار رقم 1 ثم Enter ثم رقم 2 ثم Enter ستظهر الرسالة التالية :

Enter partition size in Mbytes or percent of disk space (%) to
create a Extended DOS Partition.................................: [ 100% ]

عاد هنا يحلو لازم كتابة قيمة المساحة اللي فاضلة الباقية يا ....... مو سبه بس حركة استفزاز ههههههاي . المهم ادخل المساحة المتبقية من حجم الهاردديسك أو أن تدخل النسبة 100% (الرقم الذي ستجده مكتوب هو حجم المساحة المتبقية) ثم تضغط Enter وبعدها ESC

راح تيجيكم كمان رسالة جديدة

Enter logical drive size in Mbytes or percent of disk space (%)...[ 100%]

عاد هنا راح نعمل تحديد لحجم الدريف D إذا أردت أن تأخذ المساحة كلها فاضغط Enter أو أدخل المساحة التي مزاجك طال عمرك وبعدها أدخل حجم درايف E


طب وبعدين ولا ابلين هههههههاي اضغط مفتاح الهروب اسكب ESC عدة مرات ستظهر رسالة تفيدك بأنه يجب عليك إعادة تشغيل الكمبيوتر لتثبيت التقسيم الجديد. أعد التشغيل وقم بعمل فورمات لجميع الدرايفز الجديدة C,D,E,.. بالطريقة المعتادة وبدون /q عشان تتم عملية التهيئة بالكامل يحلو ...

بص حضرتك قلبنا مصري المهم في بعض الحالات يجب عليك تعريف القسم النشط Active Partition ويتم ذلك باختيار رقم 2 من قائمة Fdisk الرئيسية ثم تحديد القسم الأول (1) كـ Active Partition
بص للشاشة عشان تفهم معاي هو احنا اللي حنوله حنعيده ولمن تختار القسم الأول نكون خلصنا يحلو .



.................................................. .................................................. ....................



دحين راح اشرحلكم طريقة الغاء التجزئة لو كان القرص اتجزء قبل كدا .

الأخ اللي كان ماسك سرا قوم فز اوقف على حيلك نايم يا بابا هههههاي اسف طال عمرك بس حبيت اونسكم شوي المهم انا عارف ان في ناس عمالين يحشو ويقطعو فيني بس يالله لأجل عين تكرم مدينة مو شرح حصة تعبير . خلاص خلاص اسفين

المهم وصلنا لعملية الغاء التجزئة .

بعد اختيار الرقم 3 في شاشة الاختيارات الأساسية راح تطلع ليك الشاشة دي :



كمان اختر الرقم 3 وبعد كدا Enter

دحين راح تطلع ليك شاشة قريبة للشاشة دي اللهم تختلف في البيانات على حسب تقسيم الدسك في جهازك

[فقط الاعضاء المسجلين هم من يمكنهم رؤية الروابط. اضغط هنا للتسجيل]

عاد هنا راح تكتب الحرف الخاص بالقسم اللي تبغى تحدفه ( انتبه الحرف بس بدون اي فلسفة يحلو ) واضغط انتر Enter

والله عارف اني رفعت ضغطك بس استحمل مو بكيفك . هههههههاي

المهم بعد كدا اكتب الكلمة الموجودة تحت Volume Label ثم تضغط Enter

راح تجيلك كمان رسالة في اسفل الشاشة لتأكيد الحدف اكتب Y

كرر الخطوات الـ 3 الأخيرة على حسب عدد الأقسام اللي عندك الين ما تحدف جميع الأقسام وبعد كدا اضغط هروب اسكب ESC عشان ترجع للشاشة الرئيسية . .

ودحين من جديد اختر رقم 3 وكمان رقم 2 راح يجيك السؤال التالي :
WARNING! Data in the deleted Extended DOS Partition will be lost.
Do you wish to continue? (Y/N)................. [N]

اكتب Y لحذف الجزء الثاني من الهاردديسك
ثم اضغط ESC للعودة مرة اخرى إلى الشاشة الرئيسية

بعد كدا اختر 3 وبعد كدا 1 راح تطلع ليك الرسالة دي

WARNING! Data in the deleted Primary DOS Partition will be lost.
What primary partition do you want to delete..? [1]

اضغط Enter
ثم اكتب الـ Volume Label الخاص بهذا القسم
ثم أكد الحذف باختار Y

وبكدا طال عمرك تكون حدفت جميع الأقسام الموجودة على جهازك يحلو . واسف جدا لو كان دمي تقيل في الشرح واسلوبي بايخ حبتين . بس حبيت اغير جو يعني حركات نص كم . والسلام ختام محب الجميع اخوكم ابوهاني .



ملاحظات مهمة جدا :

لو كان عندك اكتر من قسم (C,D) لازم يتم الحدف حسب الترتيب اللي فوق في الشرح .

وكمان لو كان عندك بس قسم واحد C مثلا اعمل نفس الخطوة الخاصة بتقسيم الهاردسك الجديد .

شكر خاص لأخ ابو جهاد في منتديات شبكة الدرة لمحاربة اليهود وتعليم الهكر لمجهوده الطيب

وتواصله ومساعدته لي سواء بالحضور او الأتصال عبر الجوال .

والسلام ختام محب الجميع اخوكم ابوهاني .

الله يعطيك الف عافيه بوهاني وعساك على القوه يارب

تحياتي اخوك بويوسف

السلام عليكم

الله يعطيك العافيه ابو هاني

اخوي عندي سؤال بسيط اذا كنت مقسم جهازي الى C و D هل يمكنني ان احذف C مع الاحتفاظ D وهل يتحو ال D الى C


ولك خالص تحياتي

مشكوووووررررررررر الله يعطيك الف عافيه بوهاني

والي الامام .............

مشكووووووووور أخوي أبو هاني على هالشرح الوافي

وماتقصر والله يعطيك الف الف عافيه

تحياتي لك

تشااو:D