مرض سكري الحمل

[الادكتو/ هيثم التحيوى]

مرض السكر والحمل ومشاكله وعلاجه كل هذا يوضحه لنا ا.د هيثم فريد التحيوي استشارى أمراض النساء والتوليد والعقم ودكتوراه تأخر الانجاب والحقن المجهرى كلية الطب جامعة عين شمس .
السكر واحد من الأمراض المتعبة اللي ممكن تحصل وقت الحمل، والموضوع بيكون مقلق كمان خصوصاً لو كان موجود قبل الحمل، لذلك يكون من الأفضل وجود خطة مسبقة للحمل لمرضى السكري علشان نتجنب المشاكل اللي ممكن يسببها مرض السكري خصوصاً الأسابيع الأولى من الحمل زي:

- إرتفاع نسبة السكر في الدم خصوصاً في أول 3 شهور من الحمل بيزيد من نسبة حدوث تشوهات خلقية للجنين.
- إرتفاع ضغط الدم في الجسم واللي يسبب تأخر نمو الجنين.

فضروري جداً عمل فحوصات قبل الحمل زي فحص هرمونات الغدة الدرقية وقياس مستوى a1c عشان نطمن على مستوى السكر في الدم.

أما بالنسبة في حاله حدوثه أثناء الحمل فلازم الأكل يكون متوازن وفيه كربوهيدرات وحبوب كاملة، وبروتينات ولازم اللحوم تكون صافية مفيهاش أي دهون، ولازم الدهون اللي تكون في الأكل صحية.

وبخصوص علاج مرض سكري الحمل فيكون من خلال حقن الأنسولين اللي هتساعد على تنظيم نسبة السكر مع الإهتمام بتناول الوجبات الصحية والمتابعة المستمرة مع الطبيب.