اسعار DSL بالمملكة تبدأ من 99 ريال, اسعار كل الشركات

السلام عليكم ورحمة الله وبركاته،،


هالموضوع نزلته قبل سنه ونص تقريباً ... ولأهميته انزله مره ثانيه مع تحديث شامل لكل الاسعار ... وابحاول استعراض اسعار الدي اس ال بالشركات المقدمة لخدمة الإنترنت بالمملكة العربية السعودية مع تعليق بسيط على كل شركة ... ولإكتمال الموضوع اتمنى ان تضيفوا عليه ارائكم وانطباعاتكم عن الشركات اللي جربتوها ... وطبعاً اعتمدت بالموضوع على احصائية مدينة الملك عبدالعزيز لمقدمي الخدمة اللي بعضهم اول مره اسمع عنهم
[فقط الاعضاء المسجلين هم من يمكنهم رؤية الروابط. اضغط هنا للتسجيل]



الأسعار مختلفة بشكل لا يصدق فهي تبدأ من 99 ريال بالشهر وتصل الى 1500 ريال بالشهر (تراني اتكلم عن اسعار الافراد) ... شئ مضحك واختلاف كبير مع ان السرعات المتوفرة هي فقط ثلاث سرعات (64-128-256) ولا ادري على اي اساس بني هذا الاختلاف الكبير بالأسعار مع ان الخدمات متشابهه الى حد

كبير ... واذا نبي نتكلم بصراحة فمعظم الشركات سيئة ولكننا نبحث عن افضل الأسوء

نبدأ بشركة جيل لأنها الارخص حالياً

جيل

هذا عرض من جيل شوفوا وش يقول

[فقط الاعضاء المسجلين هم من يمكنهم رؤية الروابط. اضغط هنا للتسجيل]

سعر رخيص جداً واللي ما طلعت عنده الصورة اقوله

سرعة 64 بـ 99 ريال بالشهر
سرعة 128 بـ175 ريال بالشهر
سرعة 256 بـ 285 ريال بالشهر

يا بلاش ... لكن هل خدمتهم زينه والا لا ؟؟؟؟ وهذا السؤال المهم ... وياليت اللي مجربهم يعلمنا


نسما انترنت
مع نسما المشاكل لها طعم آخر ... واقدر اتكلم عن نسما بكل حرية لأني مجربهم لمدة 3 سنوات .... واذا ودك تشوف صفحات عمرها شهر او اكثر

اشترك مع نسما ... اكبر مصيبه عندهم هي الكاش ميموري وهم عارفين بالمشكلة لكن الوضع معجبهم لأنه يخفض عليهم الباندويث ... ولا انصح احد

يروح لنسما لأنها تمشي بمنحدر الله اعلم وين يبي يوصلهم

اسعارهم وهم يعتبرون ثاني ارخص شركة

64/64 كيلو بت بالثانية 160 ريال
128/128 كيلو بت بالثانية 250 ريال
128/256 كيلو بت بالثانية 380 ريال

سعودي نت

[فقط الاعضاء المسجلين هم من يمكنهم رؤية الروابط. اضغط هنا للتسجيل]

ناس يقولون انهم من افضل الشركات وناس يقولون انهم من اسوء الشركات ... لكن الجميع يتفق ان الدعم الفني الله بالخير ... اتصلت عليهم علشان

اشترك قالوا لي لازم تمرنا قبل الساعه 4 العصر ... يعني اللي يبي يشترك لازم يستأذن من عمله علشان عيونهم والا يطلع من الدوام بدري يروح طيران

عليهم (ليش طيب كذا ... ترى راس مالها موظف راتبه 2000 ريال ويجلس من 4 الى 12 بالليل علشان الاشتراكات الجديدة)

اسعارهم هي:

1. سرعة 64k بتكلفة 230 ريال شهريا
2. سرعة 128k بتكلفة 380 ريال شهريا
3. سرعة 256k بتكلفة 560 ريال شهريا


اول نت


[فقط الاعضاء المسجلين هم من يمكنهم رؤية الروابط. اضغط هنا للتسجيل]



المثل يقول الغالي سعره فيه ... وهالشركة من الشركات الغاليه لكن ما اقدر احكم عليهم لأني ما جربتهم ولا اعرف احد جربهم ... لكني اتصلت عليهم

وردوا علي على طول وكان تعاملهم جيد ... وياليت اللي مجربهم يفيدنا

اسعارهم هي:

64 kbps بسعر 250 ريال
128 kbps بسعر 400 ريال
256 kbps بسعر 750 ريال



زاجل



دخلت موقعهم وليتني ما دخلته ... ما لقيت الا رماح واسهم وسيوف وخرابيط ... اما النكته اتصلت على الرقم المجاني وقلت لهم وش الفرق بين خطة

الرماح والسهم ... قال والله ما عندي خبر ... لكن خذ هالرقم واتصل عليه بكره وهو يعلمك خخخخخخخخخخخخخخخخخخخخخخ والله من زين الشركة

اسعارهم غير مفهومه وحتى هم ما فهموها وتلقونها بهالصفحة (بس الحق ينقال فيه ناس تمدح فيهم)

[فقط الاعضاء المسجلين هم من يمكنهم رؤية الروابط. اضغط هنا للتسجيل]


اثير



[فقط الاعضاء المسجلين هم من يمكنهم رؤية الروابط. اضغط هنا للتسجيل]

ما حطوا شئ بموقعم ... وفيه شخص اعرفه مجربهم ويمدح فيهم لكن اسعارهم نار ... اتصلت عليهم وسألتهم عن سرعة 256


الاسعار:

سرعة 256 بالشهر 810 ريال بشرط الاشتراك لمدة 3 شهور
سرعة 256 بالشهر 710 ريال بشرط الاشتراك لمدة 6 شهور

وما سألتهم عن السرعات الثانيه لكن قلت لهم انتم فاتحين الى متى لو بغيت اشترك ... قال فاتحين الى الساعه 12 بالليل ... والله الفرق ... سعودي

نت فاتحين الى 4 العصر وهذولا الى 12 بالليل


صحف



[فقط الاعضاء المسجلين هم من يمكنهم رؤية الروابط. اضغط هنا للتسجيل]

اتصلت عليهم ويقولون ما عندنا DSL ... قهر كانت شركة ممتازة ايام الدايل اب


صحاري
[فقط الاعضاء المسجلين هم من يمكنهم رؤية الروابط. اضغط هنا للتسجيل]

ايضاً شركة كانت ممتازة بالدايل اب ... اما الدي اس ال فما ادري عنها

واسعارهم هي:

سرعة (64kbps) بسعر 249 ريال
سرعة (128kbps) بسعر379 ريال
سرعة (256kbps) بسعر 649 ريال



سيبيريا



[فقط الاعضاء المسجلين هم من يمكنهم رؤية الروابط. اضغط هنا للتسجيل]

شركة غير مشهورة بالنسبة لي ... وممكن يكون هذا سبب ان الواحد يروح لهم ... وياليت اللي عنده اي معلومات اضافية يعلمنا

اما اسعارهم فهي غير موجودة بالموقع ولكني اتصلت عليهم وسألتهم عن سرعة (256kbps) وقالوا انها بسعر 500 ريال بالشهر غير المودم والتركيب



إي زي نت



[فقط الاعضاء المسجلين هم من يمكنهم رؤية الروابط. اضغط هنا للتسجيل]

شركة غير معروفه بس يوم دخلت على موقعهم قعدت اضحك ... ما قالوا وش السرعه اللي عندهم لكن شوفوا تقيسم السرعة مع الاسعار:


سرعة (عادية) بسعر 225 ريال
سرعة (سريعة) بسعر300 ريال
سرعة (سريعة جداً) بسعر 600 ريال

هههههههههههههههههههههههه لا تعليق على نوع السرعات اللي عندهم



أي سي سي



[فقط الاعضاء المسجلين هم من يمكنهم رؤية الروابط. اضغط هنا للتسجيل]

لاتوجد اسعار بموقعهم لذلك اتصلت عليهم

اما اسعارهم فهي:

سرعة (64kbps) بسعر 200 ريال
سرعة (128kbps) بسعر 375 ريال
سرعة (256kbps) بسعر 750 ريال



شبكة نت



[فقط الاعضاء المسجلين هم من يمكنهم رؤية الروابط. اضغط هنا للتسجيل]

لاتوجد اسعار بموقعهم لذلك اتصلت عليهم

اما اسعارهم فهي:

سرعة (64kbps) ما سألتهم
سرعة (128kbps) بسعر 265 ريال
سرعة (256kbps) بسعر 515 ريال



إس بي إم



[فقط الاعضاء المسجلين هم من يمكنهم رؤية الروابط. اضغط هنا للتسجيل]

لاتوجد اسعار بموقعهم لذلك اتصلت عليهم والأسعار ناااااااااار وهي اغلى شركة حالياً

اما اسعارهم فهي:

سرعة (64kbps) بسعر 375 ريال
سرعة (128kbps) بسعر 750 ريال
سرعة (256kbps) بسعر 1500 ريال




شهير نت



[فقط الاعضاء المسجلين هم من يمكنهم رؤية الروابط. اضغط هنا للتسجيل]

هالشركة ما قد شفت احد يمدحهم ايام الدايل اب ... اما الدي اس ال فما اعرف ولا واحد تهور واخذ عندهم وياليت اللي مجربهم يعلمنا ... يمكن تكون

خدمتهم تغيرت

اما اسعارهم فهي:

سرعة (64kbps) بسعر 350 ريال
سرعة (128kbps) بسعر 700 ريال
سرعة (256kbps) بسعر 1300 ريال



شركة نور

[فقط الاعضاء المسجلين هم من يمكنهم رؤية الروابط. اضغط هنا للتسجيل]

المثل يقول : اللي هذا اوله ينعاف تاليه .... الشركة ما حطت اي اسعار بموقعهم ... واتصلت على الرقم المجاني ورد علي واحد كنه قاعد في بيت ... لا

عرف بإسمه ولا بإسم الشركة ... ويوم سألته عن اسعار الدي اس ال ... قال ما ادري ... امحق شركة وامحق دعم فني ... يقول اتصل الصباح على

الشركة واسألهم عن الأسعار ... ايه فاضي لكم اتصل الصبح



عرب نت

[فقط الاعضاء المسجلين هم من يمكنهم رؤية الروابط. اضغط هنا للتسجيل]

موقع الشركة طايح من زمان ولا لقيت لهم لا تلفون ولا غيره ... وبصراحة ما حرصت عليهم ... واللي عنده اي معلومات عن هالشركة ياليت يفيدنا



سعودي اون لاين

[فقط الاعضاء المسجلين هم من يمكنهم رؤية الروابط. اضغط هنا للتسجيل]

موقعهم طايح من فتره ... ورقم هاتفهم الموجود بموقع مدينة الملك عبدالعزيز ما احد يرد عليه



دي جي

[فقط الاعضاء المسجلين هم من يمكنهم رؤية الروابط. اضغط هنا للتسجيل]

دخلت موقع الشركة وكان انجليزي بالكامل ... ولا لقيت فيه اي اسعار ... كلمت عليهم ورد علي اثنين كلهم ما يتكلمون الا انجليزي ... وبالأخير عطاني

الاسعار لكنه يقول مانيب متأكد ... طلب مني رقمي تلفوني علشان يتصلون علي بكره ويعطوني الاسعار المضمونه ... وهذي هي الاسعار اللي عطوني

... وكانهم كلمون بكره ابكتب لكم الاسعار كان فيها اي تغير

سرعة (64kbps) بسعر 300 ريال
سرعة (128kbps) بسعر 400 ريال
سرعة (256kbps) بسعر 700 ريال


اتمنى من كل شخص مشترك بالدي اس ال ... يقول رايه بالشركات اللي جربها

وتحياتي للجميع
منقول
(شكرا لإقلاع سوفت)